Is nuachtlitir dhébhliantúil é ‘Regeneration Connect’ chun gach duine a choinneáil ar an eolas agus muid ag bogadh ar aghaidh le chéile chun tionscadail agus tionscnaimh fhisiciúla, shóisialta agus eacnamaíocha a sheachadadh sna ceithre limistéar ainmnithe athghiniúna – Baile na Cora Weston, Maigh Ros, An Cnoc Theas agus Páirc Naomh Muire.
Leagann an Nuachtlitir seo béim ar obair leanúnach Stiúrthóireacht Athnuachana Chomhairle Cathrach agus Contae Luimnigh agus páirtithe leasmhara eile, lena n-áirítear, an rud is tábhachtaí, ár bpobail. Cliceáil anseo le haghaidh eagrán iomlán samhraidh 2022.
Eagrán Samhraidh 2022
Buaicphointí
€3.75m de Mhaoiniú Fógartha do Phobail Athnuachana
Tá borradh suntasach faighte ag breis is 78 eagraíocht atá ag obair sna Pobail Athnuachana agus €3.75 milliún leithdháilte ag an Roinn Tithíochta, Rialtais Áitiúil agus Oidhreachta, tríd an gCiste Idirghabhála Eacnamaíoch agus Sóisialta (CSE). Tá tacaíocht airgeadais le fáil ag 135 tionscadal tríd an gciste seo atá mar phrionsabal lárnach de Chlár Athnuachana Luimnigh.
Guth agus Rogha do Shúgradh Leanaí i scoil Mhuire Lourdes
Tá glór an linbh lárnach i ngach rud ag an tSeirbhís Luathbhlianta, go háirithe an t-athchóiriú is déanaí sa naíolann. Léirigh comhráite leis na leanaí go bhfuil grá acu dá bpobal agus tá sé seo le feiceáil i gceann de na híomhánna balla nua ar nós an fhoraois agus na sióga, macalla an ceann in Eastát áitiúil Baggot. Tá cur chuige ‘gan phlaisteach / naíonra brandála’ glactha ag sé sheomra súgartha agus mar sin tá gach trealamh nádúrtha anois. Forbraíodh seomra céadfach sosa amach don ghrúpa naíonra freisin. Tá leanaí, tuismitheoirí agus an fhoireann thar a bheith sásta leis an toradh.
Forbairtí Tithíochta
Cuireadh tús le tógáil ar thrí mhórfhorbairt tithíochta athnuachana sa chéad ráithe de 2022 - Gort an Teampaill (Céim 2) An Cnoc Theas; Páirc Chlíona (Céim 3) agus Páirc Mhic Cosgair// Páirc Dhál gCais, an dá cheann i Maigh Ros. Cuirfidh siad 112 teach agus árasán nua ar fáil chun freastal ar ár bpobail. Tabharfar cuireadh do thairiscintí le haghaidh 27 aonad a thógáil d’fhorbairt daoine scothaosta ar shuíomh an úllord ar Oileán an Rí sa samhradh.
Mol Spóirt ‘Maigh Rois mar Phobal’
I mí Feabhra, sheol an Méara Mol Spóirt ‘Maigh Rois mar Phobal’. Mar chuid den mhol éascóidh agus tacóidh Oifigeach Forbartha Spóirt Pobail nuacheaptha Ryan Meaney le forbairt tionscnamh i bPobal Mhaigh Rois a leathnóidh raon agus cáilíocht na ndeiseanna do mhuintir Mhaigh Rois le bheith níos gníomhaí go fisiciúil. Tá spás oifige tiomnaithe ag Mol Spóirt Mhaigh Rois ag Ionad Fiontraíochta Pobail Mhaigh Rois, Ríomhphost: ryan.meaney@moyross.ie nó teileafón: 085 8622603.
Tionscnamh For-Rochtana Fostaíochta
I gcomhpháirtíocht le ‘LCETB’ agus ‘TUS’ reáchtáladh trí aonach poist an-rathúil le déanaí i Maigh Rois, i mBaile na Cora Weston agus i bPáirc Mhuire, agus tá ceann amháin beartaithe don gCnoc Theas i mí Mheán Fómhair. Meastar go raibh suas le 600 duine i láthair ó na pobail athghiniúna go léir. Bhí roinnt fostóirí áitiúla ar fáil ag na himeachtaí seo chun teagmháil dhíreach a dhéanamh leis an bpobal.
Ionchur Cónaitheoirí I gCnoc Theas i nDearadh Clós Súgartha
Fuair Limistéar Súgartha Cheantar na gCnoc Theas, Bóthar Radharc Dharacha an Chaisleáin (os comhair an tséipéil) faomhadh Céim 1 ón Roinn Tithíochta, Rialtais Áitiúil agus Oidhreachta. Tá soláthar agus ceapadh Foirne Deartha á chur chun cinn anois. Nuair a bheidh sé ceaptha, beimid i dteagmháil leis an bpobal maidir le trealamh cuí agus inmhianaithe chun dul chun cinn laistigh den togra.
Achoimre Tionscadail d’Ionad Pobail Pháirc Naomh Muire
Tá grúpa tionscadail bunaithe chun treoir tionscadail a fhorbairt agus chun aighneacht mhaoinithe 2022 a chur chun cinn do Thionscadal Ionad Pobail Pháirc Naomh Muire. Tá sé comhdhéanta de Chomhairle Cathrach agus Contae Luimnigh, Comhpháirtithe Pobail Oileán Luimnigh (‘LICP’) agus baill den phobal. Tá measúnú á dhéanamh ag an ngrúpa tionscadail ar riachtanais soláthair d’fhonn measúnú caipitil a chur isteach i samhradh 2022.