Is plean 6 bliana é Plean Eacnamaíoch agus Pobail Áitiúil Luimnigh (LECP) d’fhorbairt eacnamaíoch áitiúil agus forbairt pobail áitiúil ar fud Luimnigh. Baineann sé le bheith ag obair chun forbairt inbhuanaithe na bpobal i Luimneach a bhaint amach.
Ciallaíonn sé seo:
- Is féidir le daoine, cibé ait a bhfuil siad ina gcónaí is as cúlraí éagsúla iad, sult a bhaint as dea-cháilíocht maireachtála le rochtain ar sheirbhísí a theastaíonn uathu, spásanna agus áiteanna áise agus deiseanna a bheith acu a bheith rannpháirteach i saol pobail agus cathartha;
- Is áit mhaith í Luimneach le haghaidh gnó agus fostaíochta, ag soláthar poist ar ardchaighdeán do chách;
- Tá cathair bheo bhríomhar againn agus bailte agus sráidbhailte atá tógtha ón gcroílár agus atá ina n-áiteanna sábháilte le cuairt a thabhairt orthu, le maireachtáil iontu, le siopadóireacht a dhéanamh agus le hobair iontu;
- Is féidir linn maireachtáil ar bhealach níos inbhuanaithe trínár dtimpeallacht, na tírdhreacha nádúrtha agus an dúlra a chosaint, agus a oiriúnú do na dúshláin mhóra atá romhainn leis an athrú aeráide;
- Táimid athléimneach i gcoinne dúshláin nua agus uaireanta nach bhfuil aon choinne againn leo. Is féidir linn teacht ar bhealaí nua chun rudaí a dhéanamh agus oiriúnú don athrú.
Is é príomhaidhm PÁEP (Plean Áitiúil Eacnamaíochta agus Pobail) ná a leagan amach, don tréimhse sé bliana, na cuspóirí agus na gníomhartha a bhfuil gá leo chun an fhorbairt gheilleagrach agus an fhorbairt áitiúil agus pobail i Luimneach a chur chun cinn agus tacú leo, a dtabharfaidh Comhairle Cathrach agus Contae Luimnigh fúthu go díreach agus i gcomhpháirtíocht le páirtithe leasmhara um fhorbairt gheilleagrach agus pobail eile araon.
Is bealach tábhachtach é PÁEP chun a leagan amach conas is féidir leis an Rialtas agus le páirtithe leasmhara eile oibriú le chéile chun a chinntiú go dtacaíonn a dtionscnaimh, a gcláir agus a dtionscadail le caighdeán maireachtála níos fearr a chruthú do dhaoine atá ina gcónaí agus ag obair sa chontae.
Cuir isteach an nasc chuig an méid seo a leanas: